|
|
剛剛周末沙田賽事，有一對騎練創出新里程，此為梁定華及鄭雨滇，彼此衝破個人歷來400W大關，咁啱同日二人雙雙起孖，真係可喜可賀。
講到梁定華，尚有兩個月便結束從練生涯，現時已贏15場頭馬，最後一季能夠達標，總算做回自己份內事。由於此廐養馬量不大，又好難期望頭馬數字高企，約有廿場左右，已經係上佳之作，而以目前此廐走勢，多贏三數場頭馬，應該唔成問題。
今晚華廐一如上周末出馬兩匹，「仁愛之友」及「日月暉華」分列第二及三場，角逐四班1200米，兩駒唔會太熱，但唔係冇能力，又有好位，可博華廐再次包辦孖寶。
「仁愛之友」減分多時，由上手高廐開始減，至此落到43分，隻馬唔係未跑近過，憑着B欄1檔，隨時翻身；「日月暉華」回到四班，與在三班完全唔同，季初可在四班也文也武，今仗係時候振作。Jack |
|
金睛卡
发表于 2013-5-15 10:52
变色卡
显身卡