不來梅救命波有着落

猪拉多纳

法蘭克福季尾失魂

肥叔經常強調季尾揀波必以戰意行先，德甲老牌勁旅雲達不來梅今季捲入降班漩渦，唔想淪落到踢附加賽，餘下兩輪必拚，今晚主場迎戰季尾散散哋嘅法蘭克福，主隊讓平半捧得過。

（有線62及202台周六晚9時30分直播）

排第五嘅法蘭克福目前落後史浩克04三分，數字上仲有機會爭踢下屆歐聯外圍賽，不過細心啲就會發覺佢哋季尾好多比賽應贏唔贏、失咗唔少分，睇得出佢哋對踢歐聯意欲不大。比較下雲達不來梅護級水深火熱，目前只係領先尾三嘅奧格斯堡三分，有乜意外隨時要踢附加賽，論人腳佢哋比起護級對手杜塞爾多夫、奧格斯堡平均，加上傳統歷史因素，相信可以保住一席甲組位置，今晚有主場之利，讓平半盤口合理，上盤值得支持。

另外，今晚重頭戲係英足盃決賽，曼城如果贏唔到韋根，今個球季可以講係徹底失敗。曼城四強淘汰車路士之役，球員上下一心踢出嚟嘅水準真係好得人驚，韋根始終有護級後顧，爆冷機會微，上盤讓球半依然要捧。
車仔讓得辣有計

英超早場阿士東維拉主場鬥車路士，維拉聯賽兩連勝一口氣攞咗六分，降班危機大減，反而車路士為爭前四愈戰愈勇，周中對熱刺贏唔到好唔抵，今場作客要讓到半一盤口好辣，似乎對上盤信心十足。
肥叔心水

車路士 上盤

奧格斯堡 下盤、大

杜塞爾多夫 大

賀芬咸 上盤

雲達不來梅 上盤

曼城 上盤

奧沙辛拿 上盤