榜首戰波圖喧賓奪主

猪拉多纳

葡超上演榜首大戰，波圖主場對賓菲加，現時聯賽只剩餘兩輪，榜首賓菲加領先波圖兩分，故此賓菲加贏波就可提前奪冠，波圖勝出就可反壓賓菲加上榜首。基於今場波圖佔主場之利，加上無後顧之憂，贏面應較對手為高，主W可以優先留意。

（周日凌晨3時30分開賽）
賓菲加有歐霸盃後顧

賓菲加一路都在積分榜領先，但球隊因受到歐霸盃拖累，令到聯賽演出未能保持強勢，最大打擊為上輪主場與艾斯杜尼打和，主力球員卡路士馬田斯更因大意食紅牌，今次對波圖要停賽。另外賓菲加下周中要出戰歐霸盃決賽，與英超車路士爭奪冠軍。既有大賽跟尾，或多或少對賓菲加搶三分構成阻礙。

波圖今季喺歐聯不敵馬拉加出局，於葡聯盃及葡盃又畀布拉加「雙殺」，故聯賽已成為波圖唯一錦標希望，搶分鬥志隨時高過賓菲加。更重要嘅支持位就係超靚主場賽績，由開季至今任何賽事，波圖喺主場出擊只曾打和過一場，其餘賽事全部勝出。波圖喺火龍球場霸氣十足，賓菲加未必頂得住，主W開出機會較高。