天弓票數愈來愈勁

猪拉多纳

　　噚日落筆時突然落大雨，場地應該麻麻哋。睇飛數，最矚目係在港初出嘅蔡廐自購馬「泰山」，隔晚獨贏賣到2倍，視大雨如無物咁，咁有信心，可能係「飛燕」、「精彩日子」之輩，唔好唔信。

　　怪飛馬揀第三場「天弓」，呢匹馬跑咗七仗，獎金都未攞過，所以場場賠率都係雙位數唔奇。但自從佢落咗五班之後，獨贏賠率明顯愈嚟愈熱，上次係落班首仗，最後19倍開跑，同前仗嘅99倍已經係天淵之別，結果跑落名次雖然冇咩變化，但確係輸近咗，今次隔晚賠率再進一步，曾得8倍，信多一次。

　　騎師王方面，韋達冇咗「紅衣巨龍」，都賣至1.7倍，睇嚟場場喺度都唔奇，要捧。周仲