爭三捷如你所願

猪拉多纳

對於「如你所願」嘅馬主關百豪嚟講，今日除咗希望愛駒可以順利三連捷保持不敗外，最緊要就係平安返嚟。點解咁講呢？皆因馬主關之前嗰隻愛駒「無懼風雨」都係兩出兩捷，就連今季大放異彩嘅「綽力之城」都唔係佢手腳，點知第三次出賽就喺途中斷腳黯然退役，做馬主嘅當然唔想歷史重演啦！
       
如你所願
泥草地皆贏過，性能廣泛。
受惠同程編兩組

聽馬主關百豪講番，佢其實對「無懼風雨」好大期望，可惜慘遭不幸，好在「如你所願」依家都叫做成功接棒，而且仲多咗一瓣出路，上鋪初跑泥地抽11檔依然輕鬆贏馬，實力深不見底。馬主關都覺得愛駒無論草泥一樣咁好，既然泥地都贏到，日後部署就更加彈性，自然有多啲機會拉頭馬啦！今日三班泥地1200米總共有兩組，「如你所願」就避開咗4匹新勝馬「金湶」、「銀子彈」、「橫掃千軍」同「勁飛馳」，兼且有運抽埋1檔好位，睇嚟都可以輕鬆捧盃兼三捷嘞！