喜鵲狂啄「風流」西布朗

猪拉多纳

打吡慘敗要氹番球迷

英超轉入最後直路護級形勢好混亂，紐卡素輸畀新特蘭之後搞出個大頭佛，球迷鬧事加埋球證韋比被罰「降班」，但亦展示咗喜鵲護級嘅決心，今晚作客西布朗希望對手做「黃大仙」有求必應啦！
留意球證「將功補過」

紐卡素上輪「東北打吡」主場慘吞新特蘭3蛋，唔甘心輸波嘅喜鵲球迷上街發洩憤怒情緒，結果造成騷亂。要明白球迷先至係真正嘅米飯班主，只有成功搶分至可以挽回佢哋嘅支持。

至於被公認係英超頭號判官嘅韋比都喺呢場波衰埋，因為犯咗低級錯誤搞到今周被燉去吹英甲波，再次凸顯英超球證嘅水準問題。搞出咁多事，大家不妨留意吓今晚紐卡素對西布朗時球證會唔會「將功補過」。事實上踢風流波嘅西布朗，算係紐卡素最後5輪對手當中最冇嘢爭嘅一隊，當然希望好似上季雙炒西布朗咁再下一城。