閃耀小子匆出打疊贏

猪拉多纳

冠軍練馬師之爭本來已經夠激烈，估唔到呢輪連方嘉柏都殺埋上來，繼剛周三起孖之後，尋日又有頭馬見面，目前累積44W，同告東尼、葉楚航咬得相當緊，一於齊齊力追蔡約翰。
       
閃耀小子貼欄守好位一衝搞掂，巫斯義走位醒神。

唔少朋友都覺得季尾跑馬跑體力，休息期好重要，不過小方又證明咗凡事無一定嘅，「閃耀小子」呢鋪就係相隔四日再勝一仗，都算省靚招牌。「閃耀小子」本來由潘頓贏開，但係騎者今次一早卜定「你知我贏」，至會輾轉益咗巫斯義。
       
巫斯義(左)、方嘉柏

講起老巫，數落已守咗近一個月齋，今勻冷手執個熱煎堆真係時來運到。不過潘頓就慘啲，騎隻「你知我贏」畀人贏返轉頭，尋日頭四場都屈居第二，難怪賽後解鞍嗰陣都見佢頭擰擰。