彪形好漢伍碧權省招牌

猪拉多纳

伍碧權從練最後一季，仍然獲得唔少馬主信任，將賽駒轉倉來投，好似尋日有份出賽嘅「彪形好漢」咁，權哥當然唔敢怠慢，想拿拿聲贏馬交代，報答馬主信任。
       
彪形好漢轉投伍碧權第二戰即勝，省靚招牌。
梁家俊破頭馬荒

尋日第二場只係轉投伍廐第二次上陣嘅「彪形好漢」，雖然馬主劉展灝無到場，但練者依然交足功課，最終呢匹馬喺梁家俊胯下拋離二又四分一馬位贏馬而回，權哥馬房省靚招牌，累積本季第23場頭馬。梁家俊就憑「彪形好漢」打破個多月嘅頭馬荒，佢話今場賽前已有信心，因為呢匹馬上場跑嫌短嘅千二米，早段仍然可以跟上較前位置，反映狀態好弗，今場增程啱晒腳法，起步後已經好快可以守好位推進，最終亦把握到臨場內欄場地較佳嘅偏差，順利獲勝而回。