|
|
今季騎師冠軍之爭，形勢好似已經明朗化，韋達一日6捷，大有打謝潘頓雄心之效！現時二人頭馬相差9場之多，唔係話冇得追，加上韋達之後停賽，或者可以拉近一啲距離，但由於韋達聲勢返晒嚟，唔似季初成隻冇牙老虎，潘頓要迎頭趕上，真係談何容易。
韋達狂數胡，亦令蔡廐頭馬數字上升，目前頭馬達48場，但一直拋唔甩葉東兩廐，後兩者同以43場頭馬並列第二位，冠軍練馬師之爭，形勢依然未見明朗，尤其葉楚航近日勝完再勝，唔覺唔覺，原來連贏4期賽事，這個馬房氣勢未被蔡神仙蓋過。
因為第五場「連利福星」退出，今晚葉楚航馬房出馬剩低兩匹，第四場「好好運」及第六場「旅遊小子」。
好好運有鬥志
葉廐呢對馬均為谷草一哩好手，「好好運」上仗搏殺屈居第二，今次突然用韋達，咁耐未試過，練馬師刻意加強配搭，無非想贏馬交代，鬥志如虹。
「旅遊小子」跑慢地冇問題，就算今晚雨中作賽都可以少一個顧慮，又經常可以連拼，臨場成冷門唔怕買。Jack
|
|
金睛卡
发表于 2013-4-10 12:43
变色卡
显身卡