文家良精兵開心凱旋

猪拉多纳

文家良同埋杜利萊呢對騎練組合，雖然係上個月底嘅一級賽阿喬斯短途錦標，唔可以藉「鷹之團」為港爭光，但都跑入一席接近嘅季軍，已經雖敗猶榮。
       
開心凱旋爆冷取勝，杜利萊興奮莫名。

輪到尋日沙田賽事，此對騎練組合又有佳作，角逐第五場五班千六米嘅文廐馬「開心凱旋」喺萊哥胯下爆出16倍冷W，兼且打開勝利之門。
       
文家良

其實尋日文家良嚟招精兵制只派兩駒，但依然靠「開心凱旋」增添進帳。不過，賽後文家良就話呢隻四歲馬仲係好容易緊張，事關喺沙圈依然周身大汗，似乎仲未係好適應面對人群，唯有吸收多啲出賽經驗，希望可以改善。「開心凱旋」上鋪喺千四米只係受阻先至跑第五，所以今次增程至一哩都有啲信心，但估唔到贏得咁輕鬆，睇嚟日後專攻同程應該有機會添食。