（日）7橫濱W搵定本

猪拉多纳

橫濱呢期順喎，今日嗰場（日）7FC橫濱主場對熊本羅亞素，個1.92倍主勝有得諗！

香港人對橫濱呢笪地方唔會陌生，對波有興趣嘅，响過去一個星期仲會特別有印象添，首先係响港甲，橫濱FC（香港）喺補賽1:0隊冧咗班霸南華；跟手橫濱水手尋日晏晝又响日職作客贏廣島三箭3:1，開季5連勝升上榜首。我哋熟悉嘅另一支橫濱球隊─FC橫濱，近期就認真麻麻嘞，家陣排响日乙尾三，主場兩戰未開齋，咁點解今日博佢哋鋤低熊本呢？

除咗FC橫濱上季主客兩勝熊本之外，最重要係佢哋搞緊個「橫濱 FC Dream5 Tickets」嘅優惠活動，即係由5月12號起，球迷可以買一張套票，就睇晒之後橫濱5場主場賽事，拉勻平20%左右。但係推廣活動雖然吸引，講到底仲要隊波掂先得，FC橫濱為咗拉客，今日一定會全力博開齋，足智彩開嗰個主W1.92倍熱過唔少同行，應該唔會無的放矢。

對家熊本好重視青訓，前排派咗隊U15去西班牙比賽取經，早兩日又提升咗6件17歲嘅牛奶仔入甲隊，不過遠水救唔到近火，今日輸波好正常。