|
|
英超殺到入最後直路，冠亞軍已經冇乜競爭意味，反而榜下游護級形勢超級混亂，11位打後嘅球隊都有降班壓力。今晚呢場紐卡素鬥富咸，賽果對護級形勢都有好大影響。富咸現時形勢雖然比紐卡素好，但為求及早上岸此仗作客必定搏盡，受讓平半要撐客軍。
自告魯爾受傷後，紐卡素大門真係唔夠穩陣，班隊友又唔生性漏洞多，上周中作客賓菲加就有自殺式回傳令球隊輸波。紐卡素陣中傷兵多，迪保治、大衞辛頓、迪奧迪早前都唔出得，要佢哋應付英超同歐霸兩條戰線真係好吃力，最近已經連輸3場，咪忘記領隊柏杜仲要諗計應付賓菲加嘅次回合賽事，顧此失彼下極大機會再度失分。
吼埋貝碧入首球
相反富咸1月喺英足盃畀曼聯踢出局後就專心護級，只係喺聯賽輸多次畀「紅魔鬼」，其餘賽事4勝2和，亦令佢哋彈跳到較安全位置。最令紐卡素擔心就應該係貝碧托夫，呢位「Hea碧」最近4場已經攻入5球，狀態弗爆，而富咸比起唔知要護級定爭歐霸嘅紐卡素爭勝心強，所以北上作客都冇有怕，撐下盤之餘可以博埋貝碧托夫首球添！
（有線303及203台周日晚10時直播） |
|
金睛卡
发表于 2013-4-7 13:47
变色卡
显身卡