至尊飛星補出大注得手

猪拉多纳

呢輪苗禮德啲馬似乎特別得到落飛黨嘅垂青，繼上個禮拜三嘅「永勝多」着綠格得手後，尋日就輪到後備補出「至尊飛星」瘋狂落飛，閘前由11倍落到得返4.5倍大熱，結果喺十磅仔呂卓賢胯下一放到底掄元，大注得手。
       
至尊飛星臨場賠率急跌，飛到馬到，苗禮德與馬主造型襯到絕。
苗禮德急Call馬主返港

講開「至尊飛星」，馬主10∕11苗禮德練馬師賽馬團體成員之一嘅許業榮，又係本地甲一籃球隊永倫嘅班主，早排陪隊波去咗菲律賓集訓，咁啱「至尊飛星」後備補出，苗禮德即刻Call佢返嚟，結果真係趕得切拉頭馬，難怪許生開心到見牙唔見眼啦。
       
苗禮德與馬主

苗禮德就話知道呢隻馬補出都好開心，事關佢覺得今場餐士唔曳，今仗呂卓賢又做足晒佢畀嘅策騎指示，充份利用輕磅優勢一放到底建功，幫老友許生執番場久違嘅頭馬，份外欣慰。