烏克蘭倒退頂唔住波蘭

猪拉多纳

國際賽變數比聯賽及歐聯多，尤其係熱身賽、亞洲、非洲等地賽事更加難捉摸，所以建議向比較正氣歐洲區賽事埋手。世界盃外圍賽歐洲區H組波蘭主場對烏克蘭，兩國剛合辦完上年歐國盃決賽周，但足運發展南轅北轍。論人腳質素、出線機會，波蘭都係秤先，小讓平半，上盤可取。

（周六凌晨3時45分開賽）

兩隊上年歐國盃決賽周都係分組賽出局，真係失威，不過波蘭班底仍然年輕，羅拔利雲度夫斯基、巴拉斯塞高斯基、比薛斯基等主力正值當打之年，吸取一屆大賽經驗後，表現更成熟。反觀烏克蘭喺歐國盃結束後，舒夫真高掛靴，球隊亦大換班，今次名單只有泰摩斯卓克喺海外聯賽搵食，其他全屬本土聯賽球員，外圍賽三戰未贏過，足運發展似有倒退迹象，受讓都要唔過。
瑞典讓唔起愛爾蘭

C組瑞典主場對愛爾蘭，雖然瑞典有頂級射手伊巴謙莫域助陣，但防守差，遇上擅長穩守突擊嘅愛爾蘭，未必佔到甜頭，寧要客軍下盤。B組捷克主場對丹麥，捷克青訓進入收成期，中前場湧現唔少具潛質新星，有技術有活力，讓得起丹麥平半。
肥叔心水

阿爾巴尼亞下盤

捷克上盤

比利時上盤

波蘭上盤

愛爾蘭下盤

格魯吉亞下盤、大