上名率冠同儕 柏寶泥戰信得過

猪拉多纳

　　柏寶今季泥地賽表現出色，雖然泥地賽贏馬最多唔係佢，而係韋達、何澤堯及鄭雨滇，後面三人各有4W，但佢總成績為3冠4亞6季11負，上名率54%，係眾騎師之中，上名率最高。

　　5駒泰半有機

　　今晚出馬最多係韋達，場場有馬跑，不過數到實力坐騎，其實唔係多，反而，柏寶5駒之中，泰半有機會。是夜全泥宴，唔會又係韋達及潘頓之爭，而柏寶在騎師王隔晚有10倍，呢一注要博。

　　數數柏寶坐騎，計有「摩法神采」、「奪金」、「勁飛馳」、「歡呼星」及「沙紙」。其中「奪金」及「歡呼星」隔晚冇飛，似乎冇出擊動靜。

　　比較之下，第三場「摩法神采」突然票數重，獨贏一度捧到5倍半，近仗未見過，睇嚟今場有計，小心佢呢場翻身。

　　勁飛馳加程更好

　　第六場「勁飛馳」，今季在短途搏極贏唔到，經常跑P，但證明馬老心不老，本身一哩唔係唔得，加程或會更好追。尾場「沙紙」來自姚廐，姚柏年半冇合作，再續前緣必然醒神，而呢匹馬有近績支持，可信程度大。Jack