武里南聯首爾入球騷

猪拉多纳

兩軍高質外援互轟

亞冠盃第二輪分組賽開波，兩支泰國球隊首戰保持不敗，踢落對辦，E組「泰國曼城」武里南聯今輪回師主場硬撼韓職勁旅FC首爾，呢班波野心大，唔會縮埋坐以待斃。首爾擁有黑山神鋒丹恩奴域，恃住攻力勁懶得守，預期今戰多士哥，大盤有1.8倍抵玩！

（now 671周二晚7時直播）

武里南聯上屆喺分組賽畢業，今屆大事擴軍捲土重來絕對唔係志在參與咁簡單，佢哋首輪作客日職球隊仙台維加泰以一比一逼和對手，挑戰日職強手不落下風，隊內兩個西班牙兵奧斯馬巴巴同卡美路都有西甲級數，今次返到主場目標係全取三分，一定唔會死守求和，佢哋前面靠晒智利年輕前鋒貝斯圖斯攻堅，絕對有本錢爭取士哥！

FC首爾分組賽首戰主場5比1大炒FC江蘇，踢落完全唔同級數，黑山中鋒丹恩奴域連續兩年成為韓職神射手，上次對住江蘇梅開二度盡顯功架，呢個射手質素好，喺亞洲賽事橫行無忌！首爾仲有哥倫比亞指揮官梅里斯奧摩連拿校炮，佢哋開季各項賽事三戰轟入九球，火力好勁，但同時失咗六粒，攻強守弱，最好玩大！
「阿聯酋曼城」可擒艾沙比

A組「阿聯酋曼城」艾查捷拉主場對沙特阿拉伯大軍艾沙比，艾查捷拉老細就係曼城班主文梳亞，佢近年重金禮聘前貝迪斯巴西射手奧利華拉及阿根廷星級進攻中場馬迪亞斯迪加度，唔係講玩，上屆佢哋分組賽六戰五勝一和首名晉級，最終十六強止步，但奧利華拉以十二個士哥成為賽事神射手，好鬼勁，平手盤撐主隊。