登地疲弱 聖美倫o趙多鋪

猪拉多纳

是日焦點當然係兩場歐聯大戰，但其他場次都好路數，「蘇超財爺」登地又「派錢」，主場鬥聖美倫輸得，捧客W！登地呢班波完全冇蘇超級數，聯賽落敗率接近七成，聖美倫近三次對賽全數贏晒，客W1.95倍易啅！

（周四凌晨3時45分開賽）

打足成季，登地聯賽得三勝咁大把，目前得15分包尾，差尾二赫斯成15分，就知呢班波渣成點。上仗蘇足盃主場對登地聯，輸1比2敗得好清脆，登地少對手一日休息下，聖美倫力足連贏四次。
諾士郡新帥旺可追捧

英甲諾士郡主場對奧連特，主隊新帥基禾耶有料到，正式揸旗後取得一勝一和佳績，目前球隊士氣如虹，可砌低奧連特。另外自由盃E組賽事，墨西哥勁旅迪祖亞拿主場鬥巴西哥連泰斯，論名氣當然係客軍勁，但新季巴甲未開大軍狀態成疑，平手盤揀主隊。