唐卡士打着火煮重米

猪拉多纳

英甲榜首球隊唐卡士打對於冠軍有好大期望，老闆約翰賴恩對球隊信心十足，話呢個「一哥」會坐到季尾喎！本周中唐卡士打將作客米爾頓凱恩斯，家陣「唐唐」士氣好狀態弗，無論主場或作客都惡氣十足，對住米爾頓凱恩斯有力再勝，受讓平半必捧下盤。

（周三凌晨3時45分開賽）
米爾頓凱恩斯陷低潮

唐卡士打老闆約翰賴恩去年暑期決定進行大清洗，瘋狂掃走19名球員。大膽舉動令球迷感到相當之驚訝，當地更有小型體育報章諷刺約翰賴恩冇忘本業，於暑期為球隊整容。查實約翰賴恩係靠做整容手術起家，於98/99球季購入愛隊唐卡士打，之後就經常畀人笑佢唔識搞波。睇住愛隊終於坐正英甲一哥地位，老闆自然開心到見牙唔見眼，亦證明季前大換血係正確做法。唐卡士打已兩連捷，升勢可謂有餘未盡，加上佢哋係英甲客勝率最高球隊，要贏米爾頓凱恩斯唔係難事。

主隊米爾頓凱恩斯連續八場都冇贏過，領隊卡爾羅賓遜都話搵唔到真正原因，惟有繼續努力工作望上天幫助。米爾頓凱恩斯已經失去方向，今場讓唔起唐卡士打，宜捧下盤。