浦項制鐵大賽贏「京」驗

猪拉多纳

亞冠盃G組賽事，南韓浦項制鐵主場對中國FC北京。浦項制鐵曾經三度贏得亞冠盃，屬於亞洲區其中一支最具競爭力球隊。FC北京雖有知名外援助陣，但整體實力有限不宜憧憬。今場浦項制鐵可於首場分組賽攞頭威，正頭正路揀番主W。

（now671周三晚6時30分直播）
FC北京簡路迪已老

眾所周知FC北京有馬里外援簡路迪助陣，不過前西維爾前鋒已經35歲，侵略性已經大幅下滑，今場難對浦項制鐵構成太大威脅。基於中超尚未開咧，FC北京近期都係靠熱身賽去催谷狀態，但出來效果唔算理想。似乎球員仍未回復作戰水平，今場作客南韓難令人信服。

浦項制鐵現由前南韓名將黃善洪執教，佢後生時曾以浦項制鐵球員身份贏得亞冠盃。如今擔當教練職務，當然希望再次帶領球隊成為亞洲王者，絕對唔使懷疑球隊爭勝決心。其實論經驗及實力浦項制鐵都比對手優勝，主場贏波好合理。