告東尼強勢奪金

猪拉多纳

　　農曆年前後，東廐連捧兩盃，先有「滿綵」捧走百周年紀念銀瓶，之後再有「蓬萊仙子」在賀年盃勝出。今日三冠大賽次關香港金盃，告東尼派出3駒爭盃，論實力，比起馬海戰術嘅摩廐仲強！其實，今日東廐出馬認真多，為數逾10匹，點會冇攻勢，連場交出好成績係正常預測。而在盃賽場合，佢手上有兩張王牌「加州萬里」及「滿綵」，一定會配合今日出擊陣勢。

　　「加州萬里」貴為兩屆香港盃盟主，長途實力當然係好勁，上次董事盃路短之下能夠跑入季軍，反映出在國際賽後，進度冇跌，而今次金盃2000米路程最正宗，兼且平磅跑，幾難有對手。

　　而「滿綵」級數唔及得上廐友，但上場在三級賽勝出，今場有唔少馬剛剛輸過畀佢，就算冇冠軍相，唔代表冇機會與前駒構成馬房Q。

　　除了此場盃賽，今日東廐仍有大把機會馬在手，例如「寶正勁」、「卓爾名駒」、「牛精好友」等，一定要高度重視。Jack