自成一格活力充沛

猪拉多纳

　　昨晨是最後試跑期，出跳馬細水長流，七時正草地千八米開放供馬匹試跑或彈閘，惟只得四匹有賽程馬參試。

　　「自成一格」韋達試八百米，四蹄揮灑自如，活力充沛，神態生猛，近況冇得彈。

　　「華麗堡」巫斯義試八百米，馬身粗壯，步伐穩健，拼後續好多少，有作戰水準。

　　「駿馬精英」馬偉昌試千二米，貼欄疾馳，走勢硬朗，精神奕奕，堪稱老而彌堅。

　　「智高星」副練試八百米，體格強健，步大勁雄，雙目有神，未見低落。

　　「西域雄心」呂卓賢試八百米，翻步爽朗，勁力均勻，饒富暗火。

　　「萬醒駒」助手試八百米，動作靈活，過直路神生火旺，觀感未見不妥，與上名時比較，毫不遜色。

　　「地上最強」助手、「靚橙」鄭雨滇結伴試八百米，前駒佔先四五乘帶放，後駒如影隨形，逐漸縮短距離，最後一程外檔的「靚橙」愈追愈近，由於被拉實，最終以頸位見負，對眼罩這個配件毫不抗拒，比前肯走許多，上勁起力，日益成熟；「地上最強」雖未落下風，惟身形至今仍未有太大改變，觀感如前。

　　利圖神色轉好

　　「利圖」潘頓試八百米，走勢順暢有力，肥態已消，神色轉好。

　　「幸運金龍」助手試四百米，神清步爽，走來快慢隨意，勇況持續。

　　「甜情蜜意」霍勵賢試八百米，步幅開揚有力，狀態有進冇退。

　　「精彩生輝」助手試八百米，身輕步爽，生氣勃勃，仍在大勇之境。

　　「四季」馬偉昌在草地試八百米，愈跑愈快，衝刺挺勁，勇態未減。

　　「駟馬難追」薛寶力在草地試八百米，出腳順暢，神色比前好，惟進度似是而非，還是近期水準。

　　多勝熊四蹄盡展

　　「多勝熊」郭能在草地試八百米，四蹄盡展，腳勁增強，狀態邁進一步。

　　「盈威勇士」馬偉昌在草地試八百米，走來一氣呵成，步幅開得闊，勝後猶勇。