阿仙奴人日「布」喜

猪拉多纳

8年盃癢 主場必搏

今日係初七人日，人人生日，蘇豪誠意送上阿仙奴「讓球主勝」畀大家做生日禮物！阿仙奴喺英格蘭足總盃十六強主場迎戰英冠布力般流浪，兩軍一年前碰頭時，「兵工廠」喺主場7比1狂數對手，家陣布力般降落英冠後實力仲弱咗，兩隊距離進一步拉遠，阿仙奴贏兩粒係基本消費，「讓球主勝」有計！

（now 635周六晚11時直播）

先回帶睇番一年前場波先，布力般上半場尾段打少個，完全任人魚肉，阿仙奴大勝功臣係入咗三球嘅射手尹佩斯，連後備落場嘅亨利都整番球埋齋，呢場波對布力般打擊好大，最終佢哋降班收場。事隔一年，布力般流失凱列特同尼桑斯等主將，中場要靠前利物浦老將梅菲造波，當日失七球嘅門將羅賓遜已被打入冷宮，今期由年輕門將積克堅恩把關，陣內只得蘇格蘭新進射手佐敦洛迪斯較具分量，但缺乏供應惡極有限。
上年狂炒布力般7:1

對比起去年場波，阿仙奴主要係冇咗尹佩斯，影響當然大啦，不過兵工廠已經慢慢適應沒有尹佩斯的日子，「雙特」禾確特同基奧特喺前線夾慣咗，大軍近期重現強勁火力，今戰有本錢狂攻對手！阿仙奴嚟緊下周中要喺歐聯硬撼拜仁，有朋友擔心佢哋今場會揸流攤，呢點大家可以放心，兵工廠上次捧足總盃已經係05年，經歷多年嘅錦標荒後，全軍上下爭盃意欲比天高，冇留力餘地。

阿仙奴右閘贊堅臣坐波監，左閘基蘭基比斯要養傷，不過新左閘蒙利爾踢落勁對辦，中堅華美倫亦有望復出，至於中場韋舒亞都有傷在身，但可由艾朗藍斯或戴亞比頂上，呢個陣夠殺o架喇，淨勝兩球唔成問題，除「讓球主勝」外，入球大亦係穩健之選，可博埋總入球4、5。