勝利強勢搞寸阿德主場P

猪拉多纳

阿德萊德聯今日喺主場出戰，撞啱佢哋嘅軒特馬殊球場正式踏入第100場澳職里程碑，球員梗係想贏波開P有個美好回憶啦，不過遇着狀態、士氣好過佢哋幾條街嘅墨爾本勝利，睇嚟只會遭逢輸波慘痛經歷，2.2倍客W要捧。

（有線64及204周五下午4:30直播）

阿德萊德聯呢排可以話跌落谷底，除咗上輪主場對西悉尼流浪者潰敗2:4，寫下今季首個3連敗之外，有波入嘅迪捷特仲傷埋腹股溝至少要抖兩個禮拜，加上球隊首、次席射手維度錫同摩拉利斯紐曼近期齊齊啞火嘅致命傷，就算後者坐完波監再喺前線擔正攻堅咁又點，唔識入波嘅前鋒又有乜用呢？
雙箭Fit過對手成條街

嗰邊廂阿德萊德聯經歷3連敗頹勢，呢邊廂墨爾本勝利就延續3連勝強勢，當中上輪喺墨爾本打吡擊敗雄心，更加令球員士氣爆燈。不過最重要係佢哋同阿德嘅啞火射手唔同，馬高洛查士同艾奇湯臣呢對首、次席射手，喺球隊3連勝當中夾埋入咗3球，火力有保證，雖然中堅主力尼高拉斯安素受傷要抖6至8個禮拜，但係對家都唔識入波，使乜怕啫！