阿勒斯班救兵打殘「二哥」

猪拉多纳

阿勒斯今晚喺法乙主場對摩納哥，有機會爆冷。由於兩隊分別要為護級同升班而戰，最近同樣簽入唔少新球員，不過摩納哥順開無厘頭簽咁多人破壞默契，好可能有反效果，呢場波阿勒斯受讓平半，都係博2倍下盤好過！（開賽時間：周二凌晨3:30）
摩納哥順開執位得不償失

歇完冬後，阿勒斯依然冇起色，連盃賽近9戰3和6負，所以高層即刻掃入特魯瓦前鋒柏蘇美、迪安中場拉菲爾卡沙利斯同蒙彼利埃中場莊拿芬迪漢，去到呢個地步，班救兵絕對係唯一出路。

相反，對家摩納哥家陣守住個二哥位，距離榜首南特亦只係得3分咁大把，升班機會高唱入雲，但呢隊波竟然照簽中場奧巴迪同圖盧茲射手利維亞尼返嚟，以佢兩個踢開法甲嚟計，嚟到肯定係必然正選，順開再變未必係好事，今季有16個聯賽入波嘅伊巴謙托尼，隨時因此冇咗個正箭頭位，摩納哥嘅鋒力分分鐘不升反跌！