多哥下盤睇定「尼」食

猪拉多纳

和都晉級使乜同你急

非洲國家盃分組賽來到最後一日賽事，D組焦點落在多哥對突尼西亞，兩隊只能活一隊，多哥處於上風，和波都可以晉級，可歎慢板打突擊，突尼西亞火力弱，想贏恐怕有心無力，突軍讓平半，多哥下盤抵玩。

（now 676周四凌晨1時直播）

現時D組形勢簡單，科特迪瓦兩勝肯定首名出線，阿爾及利亞兩敗篤定出局，雙方交鋒成為例行公事，投X價值不高。另一場多哥對突尼西亞，兩軍同樣有3分，多哥暫以較佳得失球差力壓突尼西亞，呢個數字亦反映雙方今屆演出存在明顯差距，多哥對勁旅科特迪瓦僅於比賽末段失守輸1比2，但突尼西亞淨吞科軍三蛋。至於對阿爾及利亞，多哥輕鬆贏2比0，突軍戰至補時入波險勝1比0。從雙方之前兩場分組賽成績，已見多哥高一班。
突尼西亞焗攻易輸反擊

最重要係多哥和波都可以出線，唔需要冒險進攻，而且前線擁有個人能力出眾嘅艾迪巴約衝鋒，靠佢打突擊，入波本錢仍充裕，戰術安排上可謂四平八穩。突尼西亞非勝不可情況，被迫主攻，但佢哋攻不銳、守不穩，貿然壓上去搶攻，只會讓艾迪巴約更多活動空間，隨時未入波，已先失守，多哥今仗有得受讓好抵玩。