超霸鷹嬴卡士主W易「索」

猪拉多纳

非國盃嘅競技水平未必係世界最頂級，論到球迷嘅熱情就肯定一流，睇見當「超霸鷹」尼日利亞班球星抵達南非時，接機嘅粉絲跳晒舞就知！今晚尼日利亞將會喺C組迎戰實力較次嘅布基納法索，1.67倍主勝信得過！

（now676台周二凌晨2:00直播）
布基納法索未成氣候

雖然話出名嘅尼日利亞球星如奧丹維治、馬田斯同祖爾奧比等都落選，不過小妹相信領隊基舒咁做一定有佢嘅原因，況且域陀摩西斯、約翰米基爾同隊長尤保全部夠晒「卡士」。查實尼日利亞近6次參與非國盃，有5次都至少躋身4強，難怪耶保話自己經驗豐富，有信心帶住領隊基舒口中「士氣高昂」嘅「超霸鷹」攞到好成績，佢哋近8場亦取得5勝3和佳績，證明狀態相當唔錯。

布基納法索不乏奧格斯堡前鋒艾斯泰迪賓斯等歐洲外流兵，尤其改由比利時籍領隊保羅畢特執教後，實力亦比往屆有所進步，但睇番佢哋近5次打入決賽周，都未能突破分組賽嘅往績，就知未成氣候，想挑戰尼日利亞仍然太早喇。

非國盃C組