國米炒得起佩斯卡拉

猪拉多纳

意甲其中一支護級球隊就係佩斯卡拉，而近期呢條「海豚」都幾生猛，贏過卡坦尼亞及費倫天拿。不過今次遇到國際米蘭，佩斯卡拉就難有運行。實在好多球迷睇小佩斯卡拉，比賽時難免會輕敵。但經過上周賽事之後，相信國際米蘭都會認真對待呢支弱勢球隊，今場國際米蘭贏面極高，決捧「讓球主勝」。

（周日凌晨3時45分開賽）
少帥話到明要贏

國際米蘭歇冬後以○比三不敵烏甸尼斯，落敗對「藍黑兵團」爭來屆歐聯入場券造成影響，因此國際米蘭今場就不能再失分。賽前國際米蘭少帥施特拉馬斯安尼就話今場非勝不可，而《米蘭體育報》就爆料，今場國際米蘭會「擺大個頭」，將派出卡斯辛奴、柏拉斯奧及迪亞高米列圖擔任正選，三位前鋒一開場就會狂搶，務求大炒佩斯卡拉。