燕豪芬圍剿精英隊

猪拉多纳

06/05/2012
文： 吉拿甸奴

精英隊今晚喺荷甲煞科戰主場對燕豪芬，唔似可以創造奇迹。雖然精英隊贏波嘅話，有機會出席留級附加賽避免降班，但對家燕豪芬要搶分爭踢歐聯，為咗報答球迷支持，臨別在即嘅教練高古，應該希望送番份大禮畀粉絲，呢場畀面高古捧1.53倍「讓球客勝」。（開賽時間：周日晚8：30）

對賽贏到開巷

現時排榜末嘅精英隊以2分落後迪加史卓普，假如呢場贏波，依然有一線生機反壓對手出席留級附加賽，不過佢哋有前鋒雲貝倫停賽，燕豪芬就落後次席嘅飛燕諾1分，要踢下屆歐聯同樣要搏命。再講，呢場係高古告別戰，佢領軍後燕豪芬開始反彈，近7場更加有6勝1負，但佢可能覺得壓力大，據講已主動提出今季結束後唔撈。


正因為咁，燕豪芬搵咗艾禾卡特接手執教，等佢帶埋俄羅斯出戰歐國盃就可以正式上任，今場高古自不然希望拎到歐聯入場券風光離隊。何況燕豪芬近5次對賽全勝，期間喪入19球，包括首循環主場以6：1大勝開出「主其他」，計實力兩隊冇得比， 信得過燕豪芬唔會玩嘢，熱捧「讓球客勝」最啱。