愛華頓膽「大」包天闖狼穴

猪拉多纳

06/05/2012
文： 自由恒

近期英超爆出兩場驚天4：4波膽，先係令爭標形勢逆轉嘅曼聯大戰愛華頓，上周再有狼隊作客連追4球逼和史雲斯，證明篤定降班嘅唔一定會行行企企，今晚呢班餓狼就會主場迎戰「拖肥糖」，冇理由唔博多次入球大。（有線304周日晚9：00直播）

謝拉域當選4月最佳球員

愛華頓自從喺足總盃4強出局後，除咗想head住同市宿敵利物浦過終點外，基本上冇任何目標，但畢竟近期氣勢咁旺，季中加盟嘅射手謝拉域又入球停不了，仲壓倒柏比斯施斯當選4月份英超最佳球員，冇理由唔食住個勢再攞尾彩。


好多人都認為篤定降班就等同冇戰意，但見到狼隊上周落後4球都追和史雲斯，就知凡事都有例外，畢竟冇包袱放開嚟打，反而比未certify前更悅目，遇上都算得上打緊風流波嘅愛華頓，極可能再演入球騷，1.62倍入球大比起賠率一樣嘅客W更抵博。


足球重心：狼隊（入球大）


馬膽推介：3場H 無敵駿駒


轉入東廐後脫胎換骨，上場遇上超快步速，先至不敵之後上4班再贏嘅「歡樂寶寶」，相信現階段仲有20分反彈空間，只要對手唔喺前面亂跑，可望輕鬆補中。