彩虹幻影白德民走寶

猪拉多纳

白德民同沈集成今季合作如魚得水，不過尋日頭場就來個正面交鋒，結果成哥隻「彩虹幻影」在杜利萊胯下力壓白德民坐騎「日月霸王」贏馬，條Q派成二千三百幾蚊，如果刨線路吼得中都幾和味！
  
彩虹幻影為沈集成勝出今季首場泥地賽事。





其實賽前白德民親自騎「彩虹幻影」試過課泥閘，不過佢見隻馬唔鍾意食沙，整體表現麻麻，所以臨門決定推莊轉騎「日月霸王」，估唔到就咁白白無咗場頭馬。
  
白德民揀錯馬，賽後無晒癮。




賽後沈集成話今仗杜利萊固然騎得出色，不過都好多謝白德民試閘後畀到咁專業嘅意見，至可以對症下藥加防沙眼罩，幫到隻馬打開勝利之門。