禮尚往來級數高

猪拉多纳

　　第九場一班1200米泥地。「魔幻大師」係得今季首仗因鬥燒乾塘，輸到冇晒影，之後4場冇W有Q，但當中唔係未試過遇到惡劣環境，有本事一直喼到優秀賽績，鬥心、級數及狀態缺一不可，所以，今仗跳上一班挑戰，未必會處下風，尤其角逐佢擅長嘅泥地。

　　「魔幻大師」3仗前初跑此程，雖然只係三班賽，但末段騎者又唔算好「食」得到隻馬下，壓線時輸少少畀對手獲亞，簡直係奇蹟！既然隻馬叻到咁，只要跑得冇嗰場咁錯，至少有P。

　　第十場三班1400米草地。「禮尚往來」上賽明輸「外遊」，但又唔可以怪罪騎師，事關10檔起步後，巫斯義三番四次望入面，好想切入二叠，而當時前面仲係有遮擋，可惜冇耐「新希望」移入二叠，令佢形勢陷於不利。呢場4檔起步，環境就似兩仗前一班此程，若果有番當時表現，呢批馬唔會係佢手腳。

馬會賽馬節目主持　　洪禮賢