大東海來勢洶洶

猪拉多纳

　　五歲配售馬「大東海」在港出賽三季以來，至今十七戰只得冠亞季各一，成績十分普通，但上仗牠初落五班上陣，即於谷草1650米追回一席第二，負於頭馬「信賴」兩個半馬位；既然該匹頭馬再出連捷，就連季軍「恭喜發財」接戰亦得第三，可見「大東海」續爭五班1650米有吼實必要。

　　回看以往「大東海」上名時，同場早段多有偏快步速，這次「金威神童」排十檔起步，如無意外出閘後會盡快搶埋欄領放，形勢應合「大東海」這匹後勁馬發揮。雖然此駒今仗續負133磅上陣，但轉由較重磅的巫斯義執韁，負死鉛相對較少，加上騎者近期的谷草一哩賽成績不俗，埋門他亦替「大東海」連操多課顯重視，看來係時候捧場。

歐陽志恆