八飛落班惹人愛

猪拉多纳

        星期六跑馬通常都會爆冷，但今次唔同，隔晚飛話畀我哋聽，只要有韋達同蔡約翰，自然有運行，兩人合作五匹馬有四匹係大熱，「名舵主」同「精彩日子」噚晚獨贏賠率大多時間連2倍都冇，做膽一流。
        
        至於怪飛馬，揀咗第三場「八飛」，呢匹馬今季三戰全負，但嗰三仗嘅最後賠率徘徊喺35至99倍，冷到震，唔掂正常。然而今次「八飛」終於唔使做大配角，隔晚嚟咗陣怪飛，令佢個W一度得15倍，咩原因？
        
        之唔係見到佢上次係谷草一哩輸近兼落五班囉！唔講唔知，呢匹馬至今兩次喺五班上陣，攞咗一冠一第五，落班即刻轉場，唔知係唔係師父李易達送大禮畀楊明綸畢業呢？要跟。
        
        韋達騎師王一枝獨秀
        
        騎師王方面，韋達得1.55倍，完全冇其他騎師嘅賠率埋到身，無謂拗頸，捧佢啦。周仲