戰馬聲勢浩大 大摩國際賽發威

猪拉多纳

　　貴為盃王，大摩在國際賽日，點會想失威！自從08年「創惑」之後，佢已經未嚐過捧盃滋味，今日一戰，派出大批好手，聲勢有晒，贏唔贏到係後話，至少係強陣。

　　喺國際賽其中3場，「火龍駒」、「讚惑」、「魔法幻影」及「曬冷王」，睇落都係贏唔晒之流，跑P已經超額完成。反而一哩錦標三路興兵，隨時有行，「軍事攻略」、「步步穩」和「卡達聖」，有邊匹唔係好嘢？所以，千祈咪分正副，有可能各為其主。

　　至於其他場次，如第二場「新力飛」、第三場「傾力之城」和「甜將」，尾兩場3駒，亦係叫胡馬，數數吓，睇嚟大摩今日如果贏唔到三兩場頭馬，真係對唔住一批fans。

　　好似「新力飛」，等都等到今日先至跑番田草，有晒動機配合而來。而第三場兩駒，上場已經一Q返，呢場馬少少，再次包Q有咩奇。而一對王牌馬「花月佳期」及「伽羅」，前駒有級數有速度，插二班唔會蝕；後駒排番好檔，發揮會唔同，威力必大增。

Jack