快利多劏晒「啡格」馬

猪拉多纳

尋日沙田六泥四草賽事，「啡格黨」頻頻出動，好似第五場四班1400米草地，閘前賠率風雲色變，「光輝出擊」、「至尊飛星」先後有異動，「光輝出擊」WP齊齊着「啡格」，搖身一變成為大熱門，位置更低見1.1倍；至於「至尊飛星」由原本嘅17倍，一注打落7倍，最終5.9倍開跑，可惜嘅係呢對「啡格」馬統統失手，「光輝出擊」出閘慢一慢，入直路喺內欄追唔切，跑第五撻Ｐ，而「至尊飛星」末段一度透出，點知被蔡明紹坐騎「快利多」後上劏晒，僅以頸位之微飲恨。
  
至尊飛星、光輝出擊閘前票數勁，可惜雙雙失手。





「快利多」上次已喺同程跑第二，今鋪原班人馬補中，不過馬主黃志祥未見入場，唔可以親身感受贏馬喜悅。