洪禮賢講馬：勁飛揚 三班夠爭

猪拉多纳

　　第六場第三班1200米。「夢幻十一」初出谷草全程外叠，入正直路仍有餘勁，場地性能不會差，之前轉到田草1200米跑兩場獲冠亞，四班贏馬一役已是實力表現，事關二三名「快樂無窮」及「清風駒」，再出冇W有Q。

　　而上賽四升三班更進一步顯示到級數，前快後快情況之下，最終只以些微輸畀頭馬「洪福齊來」，但可拋甩今次又同場「閃耀之星」，睇嚟三班唔會留得幾耐。今仗排7檔起步，只要騎者唔會亂跑，或置身不利位置，以佢段段快跑法，有權由頭帶到尾。

　　第七場第三班1650米。「勁飛揚」剛仗已用嚟行頭，只因前仗1400米走勢有睇頭，預期加程及加配件會有正面幫助，結果轉戰田草1600米即輕勝，雖然係四班頭馬，敗將如「領彩」、「無雙小子」再出亦冇三甲，但要知道，轉了配備及跑法之後，釋放出嚟威力大好多。

　　今仗轉到谷草，由於跑法唔被動，又有好位，而之前曾試谷閘，能夠適應場地嘅機會增大，而計番前仗未增值已可拍住「城市之光」返嚟，回到三班唔會冇碇企。

馬會賽馬節目主持　洪禮賢