一言既出阿滇有權贏番次

猪拉多纳

鄭雨滇今季與伍碧權合作愉快，二人季內已攜手取得4W，成績突出。輪到今晚快活谷夜賽，阿滇再替三匹伍廐馬「精算拍檔」、「一言既出」及「心中有程」主轡，當中騎者對列陣第四場剛戰跑第四的「一言既出」最睇好。
       
一言既出今季兩戰均配鄭雨滇，剛戰拚入殿軍，演出漸入佳境。

四歲英國自購馬「一言既出」今季由鄭雨滇接手，已跑過兩次，並於上仗四班谷草一千米取得殿軍，今次原班人馬增程角逐千二米，騎者分析其機會時說：「『一言既出』質素並無過人之處，只是減分至四班已有一定競爭力。剛戰牠雖然抽一檔好位，奈何當日內欄場地欠佳，令馬匹處於不利形勢，結果仍能捱入一席第四名，表現並不太差。今次增程至曾入Q的谷中千二米，肯定更合腳法，馬匹狀態亦漸漸冒勇，配合三檔好位，只要今次場地正常，有權提升名次。」