最著數呂廐破悶局

猪拉多纳

今季僅得一Ｗ的呂健威，尋日響頭場終於憑「最著數」先拔頭籌，打破近期悶局。對於呢匹「最著數」開季遲遲唔復出，賽前其實惹嚟唔少揣測，不過賽後喜相逢團體一眾成員，就話頭馬就係最佳嘅闢謠方法，據佢哋團體成員之一李榮翰講，由於一班成員各有各忙，早輪佢響上海，而黃楚標又頻頻喺外地公幹，好難夾埋一大班老友齊齊入場，加上呂健威呢輪屋企有白事，結果一拖再拖，到咗尋日先至復出，不過隻馬就一路喼住操，所以狀態根本無問題。
       
最著數率先衝線，為呂健威勝出今季第2Ｗ。

尋日「最著數」復出贏馬，團體另一位星級成員鄭經瀚並無入場，而係坐鎮自己嘅電台，響賽馬台開咪為自己愛駒造勢，相信今場溫拿，喜相逢團體一班成員都應該好滿意。