雅趣票勁無懼惡馬

猪拉多纳

　　今日蔡神仙擺咗幾匹質新馬出嚟試腳，當中包括首次上陣嘅「精彩遊戲」同「精彩日子」，另外又有季內初出嘅「好利佳」、「和牛」及「首飾達寶」，加埋兩匹今季跑過嘅「印度光輝」及「多采多姿」，匹匹都惹飛，全部喺8倍以下，雖然好堅，但星期六跑馬始終要小心啲。

　　怪飛馬推介第五場「雅趣」，呢場賽事「好好機會」同「勁綵」隔晚搶咗不少飛數，但「雅趣」個W曾得12倍，相比佢對上九仗來講算有飛。話說呢匹馬次次出賽，賠率都喺23至99倍徘徊，對上嗰仗賣到99倍，果然輸番十幾個馬位，但奇就奇在，一匹冇證明過嘅馬，落班即刻有人吼住，唔通有料到？不妨拖埋佢。

杜利萊騎足十場抵博

　　騎師王方面，韋達近期咁弗，又有蔡廐惡馬，開飛竟然2.35倍？唔對路，不如試吓杜利萊，事關佢騎足十場，抵博。

周仲