馬主論戰

猪拉多纳

超晒班對手難尋

　　開鑼日有唔少騎師已經開齋，當中包括十磅仔吳嘉晉，佢騎隻「氣定神閒」真係功架十足。

　　今晚呢位後生仔初跑谷草，我睇好佢有馬贏，最啱心水係第四場「超晒班」，呢隻馬上季馬鞍滑移都照贏馬，仍留喺四班真係着數到暈，用埋吳嘉晉減磅，對手難尋。

　　另外推介第三場「王者先鋒」，上季贏馬一役姿態有如大超班，唔會係四班留得住嘅馬，排埋一檔更加係如虎添翼，贏得。

張敬山

幸福紅椒縮程搏

　　勞愛德剛戰憑「香檳歲月」食尾胡，可見搏殺手風順，今晚吼實佢手馬應該冇錯。鍾意頭場「千笑」，上季贏谷草1200米嗰場，姿態簡直有如大超班馬，依家繼續響五班作賽，有望再次放到。

　　另外推介尾場「幸福紅椒」，表面上呢隻馬跑1200米嫌短，但一來季初充滿新鮮感，二來降班出賽，計落今次唔係冇爭勝條件，有合理分頭不妨一博。

任達華

馬主光輝捧得過

　　沈集成開鑼日憑「厲行星」食頭胡，今季算係有個好開始，今晚呢個馬房派四駒上陣，我睇好佢有馬贏。推介第二場「標青」，上季跑十六仗全部三甲不入，但評分亦因此減到29分低位，今次用埋蘇狄雄減磅可一網打盡。

　　另外鍾意第七場「馬主光輝」，呢隻馬實力一定有，但就唔易發揮，今次搵白德民操刀可算搵啱人，一於捧場。

寇鴻萍、梁廷鏘