高清睇跑馬:醒目精英戰意盛

猪拉多纳

　　「醒目精英」上陣六次幾乎場場被捧成大熱，便知深受器重；前仗於總場次706初跑谷草1200米，若非一度被阻已可再建一功。

　　上仗「醒目精英」於總場次747回師勝途1400米，即在勞愛德胯下補中，但睇番沿途走勢，馬迷可謂慘食驚風散，事關未知是否該場準備未好，不少參賽馬出閘緩慢，向來快閘的「進勝福星」是其一，「最佳孖寶」則不肯出閘大脫腳，而「醒目精英」亦好不了多少，早段要推騎，跑至中段落後七、八個馬位，入直路後更被「人人醒」同「勁飛揚」封了去路，幸好後駒外閃下有空位，結果稍遲望空及落後極多下，「醒目精英」仍能後上追過「快利多」奠定勝果，絕對稱得上是超班走勢。

　　這次「醒目精英」匆匆再出，回配白德民應不會突然走樣，必有戰意之馬可放心捧。

Sam