|
|
做直播節目，或自己玩馬，賠率係唔可以唔留意嘅一瓣，始終1場14匹馬，1日10場有百幾隻，買邊隻？刪邊匹？點都會同賠率扯上關係。1匹馬嘅賠率有冇over到，係直接增加或減低佢嘅吸引力。明明唔值5倍獨贏，臨場仲捧到十幾蚊，唔忍手至奇，最多就係贏由佢贏，食少多覺瞓嘛！
撇開公式化嘅計算，有部分馬匹抵唔抵買，未必係用賠率高低水嚟衡量。由於要做直播節目，我慣性會集低啲馬嘅隔晚及賽日賠率嚟比較（頭場開跑前嗰段），久而久之，有時有啲馬真係無端端咁熱起上嚟，但先旨聲明，呢樣嘢唔係萬試萬靈，只作為一項賽前思索嘅課題！
好似周三跑完嘅「軍策令」，喺隔夜周二唔算多飛，獨贏企住10倍，位置廿幾蚊，係可接受及預計之內。但見佢喺嗰晚頭場開跑前，位置飛零舍勁，捧到16蚊大熱P，熱過晒嗰場嗌得吓飛嘅「紅旗勇將」、「千兩寶寶」及「火燎腚」。可能係嗰晚落咗雨，亦可能佢有好好嘅條件我睇唔出（貼士其實有揀），但點講都係季內未跑過前四名嘅馬，賽前信心又會大成點呀？！所以，幾佩服嗰注P。此外，尾場「魔幻大師」，喺頭場開跑前賠率過筍，接近5倍W，位置仲有成30蚊。嘩，1匹造出段段快嘅一哩連勝頭馬，好分到咁，點會唔係警號呀！
馬會賽馬節目主持 洪禮賢 |
|
金睛卡
发表于 2011-6-24 08:52
变色卡
显身卡