內圈探索:駕世仔力度貫注

港陌

　　今晚快活谷上演八場賽事，方嘉柏馬房屯重兵上陣，其中「閃耀小子」與「駕世仔」均操足而臨，有望為廐主增添頭馬進帳。

　　出爭第四場四班1200米的「閃耀小子」，前仗加眼罩出爭同程，在馬偉昌胯下力壓「日月暉華」打開勝門，除因馬有進步外，配件亦有正面幫助；上仗再跑同程雖然只得第三，但僅以頸位不敵頭馬「皇仁勁駒」，可見評分仍然有利。拼後此駒續做工夫，賽前兩試大閘，走勢惹人好感，埋門踱步狀態亦對辦。今番再戰強項谷草1200米，回配贏馬拍檔馬偉昌執韁，排檔亦較上仗理想，形勢反客為主，可望一雪前恥。

　　列陣第八場三班1800米的「駕世仔」，上仗角逐谷草2200米，在普萊西胯下採取主動跑法，最終僅以個半馬位不敵廐侶「旺國手」得第六，初跑長途有此演出已算難得。復課後，此駒備戰仍佳，近日快試好火有勁，埋門踱步走來力度貫注，勇況未減。今回縮程跑谷草1800米，應更合此駒發揮，易配何澤堯減磅上陣，加上有三檔幫手，若早段能夠以主動跑法操控步速，有力一放到底。

家明