雷勁論戰:衝鋒槍路有專長

港陌

　　剛戰方嘉柏雖然冇馬贏，但今晚賽事回師谷草舉行，相信又到練者發威的時候。今晚方廐有多匹實力列陣，其中出爭第四場四班1200米的「閃耀小子」值得優先留意，此駒是谷戰好手，跑1200米是其所長，近兩仗在同程亦取得一冠一季，表現不俗。

閃耀小子唞夠威力強

　　上仗拼後，馬房刻意安排「閃耀小子」小休三個月才上陣，好讓其體力回復，復課後此駒操練正常，最近試過兩課泥地大閘，走勢有水準，狀態正值勇境。今番回配贏馬拍檔馬偉昌上陣，人馬最合拍，抽得中檔起步，對牠甚為有利。潛力未盡之馬，目前尚有進步空間，同場對手亦不太強，今戰應有極大勝望。

　　方廐另一匹實力馬，是出爭第七場一班1800米跑馬地銀瓶的「衝鋒槍」，此駒谷戰特佳，在港十場頭馬全部在谷草取得，現時更集中在谷草1800米出擊，近兩季出爭此程均順利贏馬而回（見表），足見路有專長。

　　谷草向來較少編排一班賽，今次「衝鋒槍」吼準盃賽場合出擊，必會把握機會盡拼，寧負重磅亦要交由柏寶執韁，就是希望憑其騎功幫助，替此駒爭取頭馬，賽前試谷閘輕勝，狀態正在大勇之境，可作今場馬膽。

　　同場對手中最大勁敵是摩廐「卡達聖」，此駒質素尚新，實力亦未見盡，上仗跑田草1600米後追不及，但末段亦交出強勁的追趕力，可見是一匹鬥心甚強之馬，今次轉爭谷草應合其發揮，可加入戰團。另外，東廐「滿綵」亦是當勇之馬，此駒上仗於田草2000米入Q，走來有前有後，表現令人眼前一亮，今次雖然是升班作賽，但改負輕磅對牠更為有利，狀態保持甚佳，亦有一定留意價值。