馬主論戰

港陌

動力網絡繼續贏

　　梁家俊一升正做大師傅，剛戰即憑「你好我好」贏馬，手風好順。今戰我都睇好佢有馬贏，鍾意第五場「動力網絡」，上場初跑谷草兼且全程埋唔到欄，結果都能夠贏馬，表現認真唔簡單，繼續跑四班賽唔會有阻力，可以執多一W。另外推介第六場「活力至寶」，今季跑六場獲冠亞季各一，上名率達五成，上場跑一班對手太強，輸咗唔使介意，回師三班賽形勢會唔同。

張敬山


捧徐廐馬財源來

　　徐雨石剛啱憑「飛躍之駒」、「中華寶寶」同「好得意」中三元，搏殺手風好順，今晚呢個馬房出馬繼續大堆頭，隨時又連場數胡。推介第二場「財源來」，大前仗響田草1600米追入第四，走勢已經露光，今次跑番谷草，隨時可以贏馬開齋。另外鍾意第五場「大將風騷」，雖然以往兩場頭馬都響五班賽取得，但上仗響四班其實輸唔遠，有分頭不妨小敲。

任達華


衝鋒槍谷草橫掃

　　今晚重頭戲跑馬地銀瓶，我哋隻「衝鋒槍」有份上陣，眾所周知呢隻馬跑谷草威力最強，今次賽前做足工夫，試咗兩課大閘先嚟跑，隻馬狀態保持得唔錯，希望可順利贏馬捧盃喇！另外鍾意尾場「勝利福星」，呢隻馬以往五次贏馬，全部係由柏寶經手，人馬默契一流，今次跑番贏馬路程谷草1800米，即刻搵番柏寶操刀，擺明有心贏番一仗，值得捧場。

寇鴻萍、梁廷鏘