金石盟專欄：厲行星神生火旺

魑魅魍魉

　　昨晨跳馬頗為踴躍，東、苗、鄭等廐均成為主角，七時正草地千八米開放供馬匹試跑或彈閘，益增睇頭。

　　「厲行星」沈集成在草地試八百米，最後一程才加快速度，以勁勢衝線，神生火旺，重口情況有所改善。

　　「快樂無窮」蔡明紹試八百米，從容淡定，步伐整齊有力，體格強健，未見低落。

　　「四季」白德民在草地試八百米，全程搶住走，蹄姿輕快，肌肉結實，勇況持續有餘。

　　「寶貝」吳嘉晉試八百米，運步靈活，火氣充裕，體力猶充沛，予人印象殊佳。

　　「飛騰」杜利萊試八百米，步幅開得闊，馬身紮實，過直路神閒氣定，仍具水準。

風雲武士體健神清

　　「風雲武士」白德民在草地試八百米，末段稍鬆韁繩，即灑開大步衝刺，體健神清，觀感上並無不妥，近況不差。

　　「活力名寶」勞愛德、「勝利之星」白德民相偕試八百米，前駒佔先約兩乘帶放，後駒亦步亦趨，電算機前外檔的「勝利之星」獲准展步上前，終點前追上同到，腳法漂亮，走來不浮不躁，九分光景左右；「活力名寶」肥態已減，上勁起力，成熟程度邁進。

　　「明燈」助手試八百米，剪了毛、色澤淡，步伐爽朗有力，健康穩定，近況仍好。

　　「神童」杜利萊試八百米，出腳暢順有力，情緒比前集中，續在進步中，狀態攀升。

　　「勇鋼」白德民試八百米，動作比前靈活，腰身柔軟，精神壯旺，及時催起。

　　「妙不可言」潘頓試八百米，按實任馳，姿態從容不迫，出腳爽朗，進度滿意，觀感勝前。

　　「金莊」副練試四百米，身壯力強，毛色隱隱透光澤，神采奕奕，健康冇問題，狀態勇進。

　　「大將福星」蔡明紹、「揀得準」副練相偕試八百米，前駒主動佔先乘多帶放，後駒如影隨形，直路上均加快步伐，叮噹馬頭而回，「大將福星」走來雖有點頂口，惟腳勁增強，朝氣勃勃，好過上賽；「揀得準」愈追愈勁，試來仍似模似樣，操養得宜，大致保持。