龍勝成功誅叛將

猪拉多纳

李易達近期頻頻炮製冷品，喺佢馬房近四Ｗ裏面，除咗「禮尚往來」，其他三隻「揀得正」、「不老英雄」同埋「興緻高」都係逾十倍冷門，到咗尋日沙田賽事，達哥繼續帶畀馬迷驚喜，之前枕住跑千八、二千米長途嘅「龍勝」，今鋪抖咗兩個月兼大幅縮程跑田草千四，搵埋季內唔算多交收嘅都爾幫手，點知呢隻馬演出突然神勇，直路走三四疊蝕位一樣追過「傑出君子」，都爾亦順利連贏兩日，又攞到佢同達哥合作首Ｗ，意義重大。
       
龍勝發揮強橫後勁，打開勝利之門。

值得一提，今場四班田草千四嘅大熱係「氣定神閒」，呢隻馬之前係李易達訓練，不過早排轉咗去賀賢馬房，今次達哥順利靠「龍勝」誅叛將，順便幫一直好支持佢嘅馬主周潤賞贏馬，可以話吐氣揚眉。