高清睇跑馬：夢幻魔術可交代

猪拉多纳

　　「夢幻魔術」今季初出即在田草1000米被捧成熱門，可惜欠缺熱身下僅得第四，再出轉戰谷草1000米， 環境陌生及出閘笨拙， 結果這匹熱門再次失拖， 但同場三甲馬「紅衣叻叻」、「火燎腚」及「御鋒」之後均贏，可見於強組跑近絕對及格。接戰於總場次397續爭谷草同程，嚴重漏閘可當冇跑過，而上仗終在總場次518回師田草，出閘快但步速慢，結果僅得一席季軍，但齊過終點的「快樂無窮」打後已兩捷，可見水準極高。上仗「夢幻魔術」於泥地1200米衝撞閘門被着令退出，這次再跑同程必有計，心急交代之馬放心追捧。

　　另外，「獵豹小子」上季初出於新馬賽田草1000米即勝，之後兩戰均上名後，卻由東廐轉投徐雨石馬房；今季首六戰均跑不同路程，反映幕後博減分落班的部署。

　　「獵豹小子」大前仗於總場次358跑田草1000米，賽前曾試大閘夠積極，可惜對手太勁只得季軍，雖搏輸但證明試閘的效果甚佳。接着兩仗均於泥地1200米贏馬而回，尤其上仗於總場次547的三班泥地1200米，排十檔下居然贏半條街夠誇張，泥地怪傑前途無限，對手爾爾力足再贏。

Sam