|
|
上期賽事大摩威風八面，捧完冠軍一哩，仲包辦埋三寶，目前佢同告東尼嘅頭馬數目只差1場，56對55W，賽事尚有20期，呢對練馬師真係有排鬥。
其實都唔應該講有排鬥，正確係期期鬥至啱，淨係睇睇今期沙田女皇盃賽日，佢哋又出馬一大「渣」，告東尼正選連後備十幾隻，而大摩仲堅，正選都超過十駒，其中有3場仲玩馬海戰略，照睇呢期二人真係唔係人咁品，大手交易係預料之內。
講開大摩馬房，上期佢嘅頭馬之中，「續領風騷」的確係前景幾好，呢匹3歲仔嚟香港跑兩場1400米，首戰經已顯身價，以極快時間與「傾力之城」埋Q，所以，唔好覺得輸個幾身位係咩一回事。
到咗啱啱呢場仲堅，拍落鬥贏「家樂飛」，後駒話晒係兩W頭馬，唔係一般三升二班貨色，一樣冇佢符，絕對係級數分野。
從大摩「續領風騷」呢類例子，說明了佢嘅態度，旗下PP如果好快有表現，前景唔會差得去邊，除了前駒之外，「包裝選擇」亦係此類個案，又係一出跑得好，之後好成績陸續有來，所以，日後如遇相同個案，追住買冇錯。
馬會賽馬節目主持 洪禮賢 |
|
金睛卡
发表于 2011-4-28 10:05
变色卡
显身卡