告仔松林之星補鑊

猪拉多纳

啱啱上個禮拜三蔡明紹騎隻「威力高」喺前面亂放，搞到畀競賽小組查問跑法，仲要押後到聽日再審，睇嚟都會有啲手尾跟。
       
松林之星內欄竄上走位一絕。
快人快語上周三倒灶

唔知係咪知恥近乎勇，尋日蔡明紹即刻大演功架，喺第三場騎隻14倍冷門「松林之星」，入直路喺內欄偷位衝刺，順利以一頸位撼低大熱門「風雲武士」，認真犀利。
       

值得一提，「松林之星」嘅馬主蔡曉鋒啱啱禮拜三輸咗隻大熱門「快人快語」，尋日就靠「松林之星」補拉頭馬，蔡生講話愛駒落番四班有很大優勢，加埋今次狀態比之前好咗很多，所以賽前都有好大信心，贏馬好合理。不過，蔡生話隻馬升番上三班就難跑少少，睇吓到時進度點先知有冇餐士。